नेपालको दूरसञ्चारसम्बन्धी विधेयकको विश्लेषण अभिव्यक्ति, प्रेस तथा गोपनीयताको हकमा प्रभाव
परिचय
लोकतन्त्रमा अभिव्यक्ति तथा प्रेस स्वतन्त्रता, गोपनीयता तथा सूचनाको हक, मानव अधिकार नागरिकका नैसर्गिक अधिकार हुन् । नागरिकका हक अधिकारलाई सम्मान तथा प्रबद्र्धन गर्दै देशको स्वतन्त्रता, सार्वभौमसत्ता, भौगोलिक अखण्डता, राष्ट्रिय स्वाधीनता र राष्ट्रिय हितको रक्षा गर्न तथा राष्ट्रिय सुरक्षा र आन्तरिक सुरक्षा कायम गर्नु सरकारको जिम्मेवारी हो । तर, राज्यले बेला बेलामा विभिन्न बाहनामा संविधानको मौलिक अधिकारमा प्रत्याभूत गरिएका अभिव्यक्ति तथा प्रेस स्वतन्त्रता, सूचना तथा गोपनीयताको हक लगायतमा धावा बोल्ने र नागरिकको सूचनामाथि निगरानी तथा नियन्त्रणका लागि प्रयास गरेको पाइन्छ ।
यहाँ अभिव्यक्ति तथा प्रेस स्वतन्त्रता र गोपनीयता सम्बन्धी राष्ट्रिय तथा अन्तर्राष्ट्रिय मूल्य मान्यता, नागरिकाको सूचनामाथि राज्यले गर्न खोजेको निगरानी, दूरसञ्चारसम्बन्धी कानुनलाई संशोधन र एकीकरण गर्न बनेको विधेयकमा उल्लेखित प्रावधानहरुले अभिव्यक्ति तथा प्रेस स्वतन्त्रता र गोपनीयताको हकमा पार्न सक्ने असर र विधेयकमा गरिनुपर्ने संशोधन लगायतका पक्षमा चर्चा गरिएको छ ।
पूर्ण विवरणका लागि लिंक प्रयोग गर्नुहोस् : https://mediapolicy.org.np/document/telecommunicationbill/